O concurso rematará coa entrega de catro premios, dous por categoría, un elixido por votación popular e outra por un xurado nomeado pola organización. O galardón consistirá nunha excursión de un día para toda a clase, con comida, merenda e transporte incluídos.
Premios 2019
Día nunha granxa escola para o alumnado de infantil
As dúas clases gañadoras da categoría de educación infantil conseguirán unha excursión dun día á granxa-escola Corazón de Carballo, situada en Tomiño. Alí os nenos e nenas realizarán diversas actividades relacionadas co medio rural, a natureza e coa adquisición de valores implicados na convivencia, no traballo en equipo, na colaboración e no respecto. Educación ambiental e artística mediante multitude de actividades realizadas co obxectivo de ser cosmopolitas, plurais, abertas e multiculturais.
Durante toda a xornada do 15 de maio, os nenos e nenas participarán en diferentes actividades que terán como obxectivo achegalos á natureza e proporcionarlles valores como a convivencia, o traballo en equipo, a colaboración e o respecto.
Día nun centro de aventuras para o alumnado de primaria
As dúas aulas que gañen este concurso na categoría de educación primaria poderán participar nunha excursión ao centro de aventuras FervenzAventura, situado en Silleda. Combinación de aventura e natureza para aprender o valor da riqueza natural da contorna e a necesidade do seu coidado a través dun completo programa que combina actividades de educación ambiental e aventura.
O 28 de maio será unha xornada de convivencia e traballo en equipo para contribuír ao desenvolvemento persoal do alumnado, a súa independencia, á creatividade e á participación con actividades que poden ir dende xogos de aventura, como o rocódromo ou a tirolina, ata aprender os segredos do bosque, desfrutar dos animais da granxa ou da horta ou un gran xogo de orientación con GPS.
O concurso rematará coa entrega de catro premios, dous por categoría, un elixido por votación popular e outra por un xurado nomeado pola organización. O galardón consistirá nunha excursión de un día para toda a clase, con comida, merenda e transporte incluídos.
Día nunha granxa escola para o alumnado de infantil
As dúas clases gañadoras da categoría de educación infantil conseguirán unha excursión dun día a unha granxa-escola situada no territorio do GDR 14. Alí os nenos e nenas realizarán diversas actividades relacionadas co medio rural, a natureza e coa adquisición de valores implicados na convivencia, no traballo en equipo, na colaboración e no respecto.
Durante toda a xornada, os nenos e nenas participarán en diferentes actividades que terán como obxectivo achegalos á natureza e proporcionarlles valores como a convivencia, o traballo en equipo, a colaboración e o respecto.
Día de aventuras para o alumnado de primaria
As dúas aulas que gañen este concurso na categoría de educación primaria poderán participar nunha excursión a un centro de aventuras situado no territorio galego. Tratarase dunha combinación de aventura e natureza para que os rapaces e rapazan poidan aprender o valor da riqueza natural da contorna e a necesidade do seu coidado.
Será unha xornada de convivencia e traballo en equipo para contribuír ao desenvolvemento persoal do alumnado, a súa independencia, á creatividade e á participación con diversas actividades.